Monday, March 24, 2008

အချစ်ဇာတ်လမ်းလေးတစ်ပုဒ်

နင်ငါ့ကိုချစ်တုန်းက
ငါနင့်ကိုသိပ်ကြောက်လို့
ရင်နင့်အောင်ချစ်ရက်နဲ့
မချစ်ဘူး လို့ ငြင်းခဲ့တယ်။

နင်ငါ့ကိုဆက်မလိုက်တော့
ငါ့အသည်းတွေကွဲကြေမွလို့
ကာရံမဲ့သော နေ့ရက်များထဲ
မျက်ရည်များနဲ့ တိုက်ပွဲဝင်ခဲ့

နင်ငါ့ကို ထားရစ်ခဲ့တာ
ဟန်ဆောင်နေတာ မသိခဲ့လို့လား
ဟန်ဆောင်ပြီးတော့ ချစ်ခဲ့လို့လား

မာနတွေကို ခ၀ါချလို့
နင့်ကိုငါ သိပ်ချစ်တာတွေ
နင်သိအောင်ကြိုးစားခဲ့လည်း
ငါ့အတွက် ရလဒ်ကတော့
အေးစပ်တဲ့ တုန့်ပြန်မှုပေါ့ . . .

ခါးသီးမှုတွေ အားတင်းခံရင်း
နင့်အချစ်ကို မျှော်လင့်ရင်းနဲ့
အရာရာကို ပေးဆပ်လို့
ငါနင့်ကို ချစ်ခဲ့တယ်။

ဘယ်လောက်ပဲ ငါချစ်ခဲ့လည်း
နင့်အတွက်တော့ ငါ့အချစ်တွေဟ
အနှောက်အယှက်တွေသာ ဖြစ်တယ်ဆိုတာ
သိလိုက်ရတော့ နောက်ဆုတ်ခဲ့တယ်။

နင့်အကြောင်းရေးခဲ့တဲ့ ဒိုင်ယာရီတွေ
နင့်ကြောင့်စပ်ဖြစ်ခဲ့တဲ့ ငါ့ကဗျာတွေ
နင်နဲ့ပါတ်သက်တဲ့ အမှတ်တရတွေ
အားလုံးအားလုံး လွှင့်ပစ်ခဲ့တယ်။

ဒါပေမယ့်လည်း ရေစက်ကြောင့်လား
ကံတရားရဲ. လှည့်စားမှုလား
(၈နှစ်နီးပါးကြာပြီးကာမှ)
ငါ့ဒဏ်ရာတွေ အနည်ထိုင်ကာမှ
နင်နဲ့ငါ . . . ပြန်ဆုံခဲ့တယ်။

မထင်မှတ်ဘဲ နင်ပြောလာတယ်။
. . . ကို ကလေး ကို အရမ်းချစ်တယ်။
. . . အမှားတွေကိုလည်းနောင်တရတယ်။
. . . အပြစ်တွေအတွက် ပေးဆပ်ချင်တယ်။
. . . ပြန်ချစ်ခွင့်လေး ကိုရချင်တယ်။

တချိန်က ကြားချင်ခဲ့တဲ့
နင့်နှုတ်ဖျားက ချစ်စကားတွေ
ရူးလောက်အောင် လိုချင်ခဲ့တဲ့
နင့်ဆီက အကြင်နာတွေ
မှေးစက်နားခိုချင်ခဲ့တဲ့
နွေးထွေးတဲ့ နင့်ရင်ခွင်ဟာ
အခုချိန်မှာ ငါ့အတွက်ပါလို့
ကျိန်ဆိုကာ နင်ပြောလာလည်း
ငါယုံကြည်ဖို့သိပ်ခက်သွားပြီ

ဒါပေမယ့်ငါမမုန်းပါဘူး။
အငြိုးတွေလည်း မထားပါဘူး။
နင်ငိုအောင်လည်း မလုပ်ရက်ဘူး။
နင်ဝမ်းနည်းမှာ ငါမမြင်ချင်ဘူး။

ဒါပေမယ့် . . .
ငါနင့်ကိုမချစ်ရဲလို့
ရှောင်ပြေးကာနေခဲ့တုန်းက
စွဲအားပြင်းတဲ့ ညှို့ဓါတ်တွေနဲ့
ငါ့အသည်းလေးအရည်ပျော်အောင်
နင်ငါ့ကို ဖမ်းစားခဲ့တယ်။

ငါနင့်ကိုသိပ်ချစ်သွားတော့
အေးစက်တဲ့ တုန့်ပြန်မှုနဲ့
ငါ့ရင်ကိုနင်လေခွဲလို့ . . .
ရက်စက်စွာ ထားရစ်ခဲ့တယ်။

ခုချိန်မှာ နင်ပြောလာတဲ့
ချစ်တယ် ဆိုတဲ့စကားလေးကို
ငါယုံကြည်ချင်ပေမယ့်လည်း
အရင်ကလိုပြန်ချစ်နိုင်ဖို့
သတ္တိတွေ ငါ့မှာမရှိဘူး။
ရက်စက်မှုတွေကို အားတင်းခံဖို့
ခွန်အားတွေ ငါ့မှာမရှိဘူး။
မျက်စိစုံမှိတ် ယုံကြည်လိုက်ဖို့
ရူးသွပ်စွာ ငါမမိုက်ရဲဘူး။

ဒါပေမယ့် ၀န်ခံပါတယ်။
ငါနင့်ကို မမေ့နိုင်ခဲ့ဘူး။
အခုထိလည်း မမေ့နိုင်သေးဘူး။
နောင်များလည်း မေ့မှာမဟုတ်ဘူး။

ဒါတွေဟာ အချစ်ကြောင့်လား။
ရှေးဘ၀က ရေစက်ကြောင့်လား။
ငါနင့်ကို ပြန်ချစ်သင့်လား။
နင်ငါ့ကို တကယ်ချစ်ရဲ.လား။
ငါ့အသည်းတွေ ကွဲဦးမှာလား။
ဆုံဆည်းခွင့်လေး ရှိနေလို့လား။

လားပေါင်းများစွာကြောင့်
အိပ်မရတဲ့ ညတွေထဲ
အတွေးတွေနဲ့ ချာလည်လိုက်ရင်း
ဒီတစ်ညလည်း နင့်အကြောင်းတွေးလို့
အိပ်စက်ဖို့ ကြိုးစားဦးမယ်။
အိပ်မက်လေးထဲတွေ့ခွင့်ရရင်
ချစ်သူရေ - ကြားစေချင်တယ်။
တိုးတိုးလေး ပြောနေမိတဲ့
ငါ့ရင်ထဲက - - -
(------------)

1 comment:

maw maw said...
This comment has been removed by the author.